У Польшчы афіцыйна падпісалі распараджэнне аб адкрыцці памежных пунктаў з панядзелка
Польшча афіцыйна абвясціла, што 17 лістапада адновіць работу памежных пунктаў «Кузніца» і «Баброўнікі» (з беларускага боку «Бераставіца» і «Брузгі») на мяжы з Беларуссю. Адпаведнае распараджэнне падпісаў міністр унутраных спраў і адміністрацыі.
Здымак ілюстрацыйны. Крыніца: «Наша Ніва»
У міністэрстве адзначаюць, што міграцыйны ціск з боку беларускіх і расійскіх спецслужбаў працягваецца, аднак Польшча цяпер мае магчымасць надзейна кантраляваць рух людзей і грузаў праз мяжу. Паводле ацэнкі прэм’ер-міністра Дональда Туска, плюсы адкрыцця пунктаў для мясцовых жыхароў і бізнэсу перавышаюць магчымыя рызыкі.
Пры гэтым Варшава падкрэслівае: калі для бяспекі з’явяцца новыя пагрозы, КПП зноў могуць закрыць.
Памежны пункт «Кузніца» («Брузгі») адновіць пропуск пасажырскага транспарту, акрамя аўтобусаў. «Баброўнікі» («Бераставіца») будуць адкрытыя для аўтобусаў і грузавікоў, зарэгістраваных у краінах ЕС, ЕАСТ, ЕЭП і Швейцарыі.
Дональд Туск таксама заявіў, што гэтае рашэнне нібыта ніяк не звязана з палітычнымі перамовамі з уладамі Беларусі.
Чытайце таксама:
Ціханоўская: Я вітаю планы Польшчы адкрыць памежныя пераходы
Чэргаў на мяжы цяпер не будзе? Чаго чакаць ад адкрыцця «Брузгоў» і «Бераставіцы»
Польшча адкрывае два пераходы на мяжы з Беларуссю, але пакуль з вялікімі абмежаваннямі
Як жыве прымежная польская Кузніца ў прадчуванні адкрыцця мяжы з Беларуссю