U Polščy aficyjna padpisali rasparadžeńnie ab adkryćci pamiežnych punktaŭ z paniadziełka
Polšča aficyjna abviaściła, što 17 listapada adnović rabotu pamiežnych punktaŭ «Kuźnica» i «Babroŭniki» (ź biełaruskaha boku «Bierastavica» i «Bruzhi») na miažy ź Biełaruśsiu. Adpaviednaje rasparadžeńnie padpisaŭ ministr unutranych spraŭ i administracyi.
Zdymak ilustracyjny. Krynica: «Naša Niva»
U ministerstvie adznačajuć, što mihracyjny cisk z boku biełaruskich i rasijskich śpiecsłužbaŭ praciahvajecca, adnak Polšča ciapier maje mahčymaść nadziejna kantralavać ruch ludziej i hruzaŭ praź miažu. Pavodle acenki premjer-ministra Donalda Tuska, plusy adkryćcia punktaŭ dla miascovych žycharoŭ i biznesu pieravyšajuć mahčymyja ryzyki.
Pry hetym Varšava padkreślivaje: kali dla biaśpieki źjaviacca novyja pahrozy, KPP znoŭ mohuć zakryć.
Pamiežny punkt «Kuźnica» («Bruzhi») adnović propusk pasažyrskaha transpartu, akramia aŭtobusaŭ. «Babroŭniki» («Bierastavica») buduć adkrytyja dla aŭtobusaŭ i hruzavikoŭ, zarehistravanych u krainach ES, JEAST, JEEP i Šviejcaryi.
Donald Tusk taksama zajaviŭ, što hetaje rašeńnie nibyta nijak nie źviazana z palityčnymi pieramovami z uładami Biełarusi.
Čytajcie taksama:
Cichanoŭskaja: Ja vitaju płany Polščy adkryć pamiežnyja pierachody
Čerhaŭ na miažy ciapier nie budzie? Čaho čakać ad adkryćcia «Bruzhoŭ» i «Bierastavicy»
Polšča adkryvaje dva pierachody na miažy ź Biełaruśsiu, ale pakul ź vialikimi abmiežavańniami
Jak žyvie prymiežnaja polskaja Kuźnica ŭ pradčuvańni adkryćcia miažy ź Biełaruśsiu