Лукашэнка пагаварыў па тэлефоне з Пуціным
Пра факт размовы паведаміла прэс-служба Лукашэнкі.
Аляксандр Лукашэнка і Уладзімір Пуцін на Валааме 1 жніўня 2025 года. Скрыншот з відэа
Як сцвярджаецца, прадметам размовы стала развіццё двухбаковых адносін, у тым ліку новыя перспектыўныя праекты.
Сярод іншага было закранута пытанне будаўніцтва новага энергаблока на беларускай АЭС у Астраўцы, таксама абгаворваліся «пытанні абароны і бяспекі».
«Асобна спыніліся на сітуацыі, якая складваецца на мяжы Саюзнай дзяржавы», — падкрэслівае прэс-служба Лукашэнкі.
Больш падрабязна на гэтыя тэмы Пуцін і Лукашэнка дамовіліся паразмаўляць падчас саміту Арганізацыі Дамовы аб калектыўнай бяспецы ў Бішкеку, прызначанага на канец лістапада.
Чытайце таксама:
Нарада па сітуацыі на мяжы з ЕС прайшла без удзелу Лукашэнкі
МЗС: Беларусь вітае рашэнне Польшчы аб аднаўленні двух пунктаў пропуску
«Лукашэнка-стайл». Генпракурор Польшчы выйшаў публічна пасячы дровы і даў нагоду для кпінаў