Грамадства66

Прэм'ер Літвы: Мы чакаем першага кроку ад Мінска

Інга Ругінене кажа, што пакуль ідуць дыскусіі адносна магчымых перамоў з Беларуссю, выкарыстоўваюцца ўсе дыпламатычныя каналы, аднак чакаецца першы крок з Мінска, паведамляе LRT.

«Сапраўды ўсе дыпламатычныя каналы актываваны, каб вырашыць сітуацыю. І межы з Беларуссю не зачыненыя проста так — яны зачыненыя з-за гібрыднай атакі. Як толькі мы атрымаем пацвярджэнне з боку Беларусі, што атакі ўрэгуляваныя (…), мы прымем рашэнне адкрыць мяжу», — у чацвер журналістам сказала прэм’ер.

Учора міністр замежных спраў Беларусі Максім Рыжанкоў заявіў, што афіцыйны Мінск гатовы да перамоў у любы момант, на любой тэрыторыі і без папярэдніх умоў.

«Калі літоўскі бок сапраўды гатовы захоўваць інтарэсы сваіх грамадзян, сапраўды гатовы выбудоўваць свае дзеянні ў адпаведнасці з патрэбамі і патрабаваннямі тых прадпрымальнікаў, якія ў цяперашні час пакутуюць ад гэтых аднабаковых мер Літоўскай Рэспублікі, то ён у найбліжэйшы час пазітыўна адкажа на нашы прапановы», — сказаў учора міністр.

Літва закрыла мяжу з Беларуссю ў канцы кастрычніка да 30 лістапада. Прычынай сталі неаднаразовыя парушэнні паветранай прасторы краіны метэаралагічнымі зондамі, што прыводзіла да паралізацыі працу аэрапорта Вільні.

Лукашэнка ўчора прыняў з дакладамі міністра замежных спраў Максіма Рыжанкова, старшыню Памежнага камітэта Канстанціна Моластава і міністра ўнутраных спраў Івана Кубракова. Нарада тычылася сітуацыі на беларуска-літоўскай мяжы, а таксама літоўскіх фураў, што аказаліся заблакаванымі ў Беларусі.

Каментары6

  • Не ганьбіся
    13.11.2025
    Інга, якога першага кроку ты чакаеш ад тэрарыстычнага рэжыму, як вы там кажаце? Каб яны пачалі на галаву вам валіць ужо? Даўно ўжо тыя першыя крокі былі і нешта вы ніяк не можаце на іх годна адказаць гэтыя пяць гадоў.
  • Indrid Cold
    13.11.2025
    Смешна назіраць за пакутамі былых мусароў, якія 20 гадоў працавалі на Луку, а цяпер сядзяць без працы і без грошаў. Ну што, хацелі стабільнасьці? Дык вось яна.
  • Федзя
    13.11.2025
    Indrid Cold , трэба было слухаць Зянона у 1994.)))

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць