Пярцоў прапанаваў увесці даплаты да заробкаў для прапагандыстаў, якія трапілі пад санкцыі
Калі хтосьці з прапагандыстаў трапляе пад заходнія санкцыі, можна ўводзіць яму надбаўку да заробку, заявіў першы намеснік кіраўніка адміністрацыі Лукашэнкі Уладзімір Пярцоў на з'ездзе праўладнага Беларускага саюза журналістаў, які цяпер праходзіць у Мінску.
Прапагандыст Ігар Тур, уключаны ў санкцыйны спіс Еўрасаюза. Фота: сацыяльныя сеткі
Уладзімір Пярцоў паабяцаў са свайго боку лабіраваць, каб гэтую норму ўвялі на заканадаўчым узроўні.
Цяпер фінансавыя заахвочванні для падсанкцыйных прапагандыстаў ужо на практыцы прымяняюцца ў Белтэлерадыёкампаніі, але Пярцоў прапанаваў гэтую практыку маштабаваць і прадугледзець надбаўкі памерам 10-15% у кантракт.
Старшыня праўлення БСЖ Андрэй Крывашэеў выказаў упэўненасць, што члены ягонага аб'яднання ахвотна падтрымаюць гэтую ініцыятыву.
Чытайце таксама:
Чаму Лукашэнка гэтыя дні злы як чорт?
Ідэолагі расказваюць народу жахі пра інтэрнэт і перасцерагаюць ад выкарыстання ChatGPT