Piarcoŭ prapanavaŭ uvieści dapłaty da zarobkaŭ dla prapahandystaŭ, jakija trapili pad sankcyi

Kali chtości z prapahandystaŭ traplaje pad zachodnija sankcyi, možna ŭvodzić jamu nadbaŭku da zarobku, zajaviŭ pieršy namieśnik kiraŭnika administracyi Łukašenki Uładzimir Piarcoŭ na źjeździe praŭładnaha Biełaruskaha sajuza žurnalistaŭ, jaki ciapier prachodzić u Minsku.

Prapahandyst Ihar Tur, uklučany ŭ sankcyjny śpis Jeŭrasajuza. Fota: sacyjalnyja sietki

Uładzimir Piarcoŭ paabiacaŭ sa svajho boku łabiravać, kab hetuju normu ŭviali na zakanadaŭčym uzroŭni. 

Ciapier finansavyja zaachvočvańni dla padsankcyjnych prapahandystaŭ užo na praktycy prymianiajucca ŭ Biełteleradyjokampanii, ale Piarcoŭ prapanavaŭ hetuju praktyku maštabavać i praduhledzieć nadbaŭki pamieram 10-15% u kantrakt.

Staršynia praŭleńnia BSŽ Andrej Kryvašejeŭ vykazaŭ upeŭnienaść, što členy jahonaha abjadnańnia achvotna padtrymajuć hetuju inicyjatyvu.

Kamientary da artykuła