Дыпламатычнае прадстаўніцтва М'янмы ў Мінску павысяць да ўзроўню пасольства
М’янма і Беларусь вырашылі ўзмацніць дыпламатычныя кантакты. Пасля перамоў з Аляксандрам Лукашэнкам выканаўца абавязкаў прэзідэнта М’янмы Мін Аун Хлайн паведаміў, што прадстаўніцтва яго краіны ў Мінску павысяць да ўзроўню амбасады. Таксама абмяркоўваецца магчымасць адкрыць беларускае дыппрадстаўніцтва ў М’янме, піша БелТА.
Аляксандр Лукашэнка і Мін Аун Хлайн. Фота: БелТА
Як сцвярджае Мін Аун Хлайн, адносіны паміж краінамі цяпер знаходзяцца на самым высокім узроўні. Бакі абмеркавалі паскарэнне рэалізацыі папярэдніх дамоўленасцяў і далейшае супрацоўніцтва ў розных сферах — ад абароны і сельскай гаспадаркі да адукацыі, навукі, аховы здароўя, спорту і турызму.
М'янманскі кіраўнік назваў Беларусь «самай надзейнай краінай для М’янмы» і падкрэсліў, што візіт Лукашэнкі стаў гістарычнай падзеяй, бо гэта першы такі візіт з моманту ўстанаўлення дыпламатычных адносін.
Чытайце таксама:
Лукашэнка завяршыў візіт у М'янму
Лукашэнка сустрэўся з в.а. прэзідэнта М'янмы
У М’янме перад прыездам Лукашэнкі вызвалілі больш за 3 тысячы палітвязняў