Dypłamatyčnaje pradstaŭnictva Mjanmy ŭ Minsku pavysiać da ŭzroŭniu pasolstva
Mjanma i Biełaruś vyrašyli ŭzmacnić dypłamatyčnyja kantakty. Paśla pieramoŭ z Alaksandram Łukašenkam vykanaŭca abaviazkaŭ prezidenta Mjanmy Min Aun Chłajn paviedamiŭ, što pradstaŭnictva jaho krainy ŭ Minsku pavysiać da ŭzroŭniu ambasady. Taksama abmiarkoŭvajecca mahčymaść adkryć biełaruskaje dyppradstaŭnictva ŭ Mjanmie, piša BiełTA.
Alaksandr Łukašenka i Min Aun Chłajn. Fota: BiełTA
Jak śćviardžaje Min Aun Chłajn, adnosiny pamiž krainami ciapier znachodziacca na samym vysokim uzroŭni. Baki abmierkavali paskareńnie realizacyi papiarednich damoŭlenaściaŭ i dalejšaje supracoŭnictva ŭ roznych śfierach — ad abarony i sielskaj haspadarki da adukacyi, navuki, achovy zdaroŭja, sportu i turyzmu.
Mjanmanski kiraŭnik nazvaŭ Biełaruś «samaj nadziejnaj krainaj dla Mjanmy» i padkreśliŭ, što vizit Łukašenki staŭ histaryčnaj padziejaj, bo heta pieršy taki vizit z momantu ŭstanaŭleńnia dypłamatyčnych adnosin.
Čytajcie taksama:
Łukašenka zaviaršyŭ vizit u Mjanmu
Łukašenka sustreŭsia z v.a. prezidenta Mjanmy
U Mjanmie pierad pryjezdam Łukašenki vyzvalili bolš za 3 tysiačy palitviaźniaŭ