Гераіня таблоідаў апошняга часу Ларыса Доліна знялася ў навагоднім шоу на БТ
Беларуская спявачка Ганна Трубяцкая ў сваім інстаграме расказала, што Ларыса Доліна знялася ў шоу «Добры вечар», якое выходзіць на тэлеканале «Беларусь 1».
Фота з інстаграма Ганны Трубяцкой
«Да сустрэчы ў эфіры ў навагоднюю ноч на «Беларусь 1». Уключайце, будзе шмат сюрпрызаў і прыгожых песень», — напісала яна.
У жніўні 2024 года Ларыса Доліна прадала сваю маскоўскую кватэру за 100 мільёнаў расійскіх рублёў (тады каля мільёна даляраў), а грошы аддала ашуканцам, а потым нават пазычала грошы, каб аддаць махлярам.
Але спявачка падала ў суд, які адабраў кватэру ў сумленнай пакупніцы Паліны Лур’е і вярнуў яе артыстцы. Паліна засталася і без грошай, і без жылля.
А Доліна патлумачыла свае паводзіны так: не ўсведамляла сваіх дзеянняў у момант здзелкі, была пад уплывам ашуканцаў. І суд стаў на бок спявачкі. Разам з тым сотні, калі не тысячы людзей у Расіі, і дзясяткі ў Беларусі робяць такім жа чынам: прадаюць свае кватэры, грошы пераводзяць махлярам.
Кейс з Ларысай Долінай даў падставы для мноства жартаў.
Чытайце таксама:
«Мы пад уплывам яе прадавалі». «Бела-Кола» ўварвалася ў скандал з кватэрай Долінай
У Расіі з-за «эфекту Долінай» 3000 сем'яў засталіся без жылля. Ці варта баяцца беларусам?