Дамы на вёсцы дазволілі будаваць без праектнай дакументацыі

Аляксандр Лукашэнка падпісаў указ «Аб спрашчэнні працэдур у будаўніцтве і падключэнні аб’ектаў да размеркавальных інжынерных сетак».

Здымак ілюстрацыйны. Фота з сацсетак

Гэты дакумент накіраваны на спрашчэнне парадку будаўніцтва дзяржаўнымі прадпрыемствамі індывідуальных жылых дамоў у сельскай мясцовасці і палягчэнне іх падключэння да інжынерных сетак.

Цяпер дзяржаўныя забудоўшчыкі змогуць узводзіць такія дамы разам з гаспадарчымі пабудовамі толькі на падставе пашпарта забудоўшчыка, без неабходнасці распрацоўкі праектнай дакументацыі.

Акрамя таго, забудоўшчыкам дазваляецца прадаваць пабудаваныя аб’екты, нават недабудаваныя, на аўкцыёнах без кансервацыі і дзяржаўнай рэгістрацыі на працягу года пасля рэгістрацыі зямельнага ўчастка, на якім яны размешчаныя.

Указ таксама вызначае ўмовы, па якіх эксплуатацыйныя арганізацыі могуць падключаць індывідуальныя дамы да інжынерных сетак па заяўках грамадзян і юрыдычных асоб без удзелу забудоўшчыка. Гэта дазволіць пазбегнуць празмернага рэгулявання, скараціць час і выдаткі на падключэнне, а забудоўшчыкаў вызваліць ад непрыдатных для іх абавязкаў.

Дакумент уступае ў сілу праз шэсць месяцаў пасля афіцыйнай публікацыі.

Каментары да артыкула