Damy na vioscy dazvolili budavać biez prajektnaj dakumientacyi
Alaksandr Łukašenka padpisaŭ ukaz «Ab spraščeńni pracedur u budaŭnictvie i padklučeńni abjektaŭ da raźmierkavalnych inžyniernych sietak».
Zdymak ilustracyjny. Fota z sacsietak
Hety dakumient nakiravany na spraščeńnie paradku budaŭnictva dziaržaŭnymi pradpryjemstvami indyvidualnych žyłych damoŭ u sielskaj miascovaści i palahčeńnie ich padklučeńnia da inžyniernych sietak.
Ciapier dziaržaŭnyja zabudoŭščyki zmohuć uzvodzić takija damy razam z haspadarčymi pabudovami tolki na padstavie pašparta zabudoŭščyka, bieź nieabchodnaści raspracoŭki prajektnaj dakumientacyi.
Akramia taho, zabudoŭščykam dazvalajecca pradavać pabudavanyja abjekty, navat niedabudavanyja, na aŭkcyjonach biez kansiervacyi i dziaržaŭnaj rehistracyi na praciahu hoda paśla rehistracyi ziamielnaha ŭčastka, na jakim jany raźmieščanyja.
Ukaz taksama vyznačaje ŭmovy, pa jakich ekspłuatacyjnyja arhanizacyi mohuć padklučać indyvidualnyja damy da inžyniernych sietak pa zajaŭkach hramadzian i jurydyčnych asob biez udziełu zabudoŭščyka. Heta dazvolić paźbiehnuć praźmiernaha rehulavańnia, skaracić čas i vydatki na padklučeńnie, a zabudoŭščykaŭ vyzvalić ad nieprydatnych dla ich abaviazkaŭ.
Dakumient ustupaje ŭ siłu praz šeść miesiacaŭ paśla aficyjnaj publikacyi.
Čytajcie taksama:
Dziciačy łahier pad Minskam kupili za miljon dalaraŭ, ale ŭžo praz paru miesiacaŭ viarnuli nazad
Na tarhi trapiŭ zahadkavy niedabudavany zamak z 1990‑ch niedaloka ad Minska