На адной з заправак у меню знайшлі тыцкалу ФОТА
На запраўках «Беларуснафты» можна купіць не толькі бензін або дызель, але і перакусіць ды папіць кавы. Адна з кліентак АЗС заўважыла ў меню нешта для яе новае: «Тыцкала ў сметанковым соусе з запечанай бульбай у мундзіры». Кошт невысокі — 13,99 рубля, піша Telegraf.news.
«Чулі калі-небудзь пра тыцкалу?» — задалася дзяўчына пытаннем у сацсетцы Threads. А ў адказ атрымала няўпэўненыя «не». Толькі адна з падпісчыц расказала, што ў яе мясцовасці так назвалі мачанку.
Насамрэч тыцкала — гэта традыцыйная беларуская гарачая страва і разнавіднасць густой падліўкі. У яе дадаюць мяса, сала, цыбулю, грыбы. Падаюць падліву звычайна з запечанай або смажанай бульбай, якую і варта «тыцкаць» у соус.
Знайсці гэтую страву можна не толькі на запраўках. Ёсць тыцкала ў дастаўцы ў Мінску, а яшчэ гэта адна з самых папулярных страў у рэстаранах у Брэсце і Гродне.
Чытайце таксама:
«Селядзец пад шубай» з чырвонай ікрой ад пафаснага рэстарана расчараваў пакупнікоў
Навагодні стол за 20 рублёў: беларуска паказала, што здолела купіць на такія грошы
У Мінску адкрыўся рэстаран беларускай кухні з памылкай у назве. Атрымалася двухсэнсоўна
243 беларускія рэстараны і кавярні спецыялізуюцца на нацыянальнай кухні
У Беларусі выпусцілі гастранамічную карту краіны. Там ёсць не толькі дранікі