Навагодні стол за 20 рублёў: беларуска паказала, што здолела купіць на такія грошы
Беларуска паказала, як арыгінальна падрыхтаваць застолле да свята, калі маеш абмежаваны бюджэт. Такі падыход не пакіне нікога абыякавым, піша BGMedia.
Беларуска Ангеліна падзялілася відэаролікам, які ўразіў і насмяшыў многіх карыстальнікаў у сетцы. У ім дзяўчына паказала, як арыгінальна і з гумарам падрыхтаваць святочны стол, калі бюджэт вельмі абмежаваны. На ўсе стравы ў Ангеліны пайшло ўсяго 20 беларускіх рублёў.
Замест дарагіх страў аўтарка роліка выкарыстала самыя простыя і танныя прадукты, надаўшы ім нечаканы выгляд. Так, замест звыклай салаты яна «падала» змейку з маянэзу, дадаўшы кавалачкі агурка для вачэй і вусікаў. Сваю кулінарную фантазію дзяўчына назвала салатай «Анаконда».
Ролю дарагіх морапрадуктаў выканалі звычайныя вараныя сасіскі. Ангеліна парэзала іх так, каб яны нагадвалі васьміногаў, дадала «вочы» і ўпрыгожыла галаву маянэзам. Усю кампазіцыю яна выклала на лісце салаты «Айсберг».
Трэцяя закуска атрымала назву «сціплыя беланогія крэветкі». Насамрэч гэта салёныя агуркі, якія, як і папярэднія «стравы», атрымалі свае вочкі.
Сярод іншых «далікатэсаў» — тарталеткі з «грэчневай ікрой» (звычайнай грэчкай), а таксама брускета з «зялёнай ікрой», дзе ў ролі ікры выступіў зялёны гарошак.
«Вось такі шыкоўны стол атрымаўся ўсяго за 20 рублёў. Захавай сабе, каб не згубіць», — адзначае аўтарка пад відэа.
У каментарах пад ролікам шматлікія беларусы ацанілі ідэю дзяўчыны і паставіліся да яе з гумарам. Вось што яны напісалі ў каментарах:
- «Напэўна, яшчэ і рэшта засталася!»
- «Так можна не толькі на Новы год, але і на вяселле».
- «На бурак грошай не хапіла».
- «Шыкуеце».
Цяпер чытаюць
У 2021 годзе выпускніца адмовілася паціснуць руку Гігіну на ўручэнні дыплома. Цяпер БДУ не хоча яго пацвярджаць14
Каментары
У нее вообще "пунктик" и универсальный рецепт "улучшения блюд": приделывать глазки. Сорри, но какашка с глазками и чубчиком из майонеза останется какашкой.
Глядя на ее руки, я понял, куда ушли остальные деньги: на маникюр. Теперь осталось сосать наманикюренную лапу. Но если на каждом ногте нарисовать глазки, но лапа будет куда вкуснее ;)