Іранскія ўлады навязваюць кантакты з кіраўніцтвам ЗША
Як паведамляе выданне Axios са спасылкай на свае крыніцы, міністр замежных спраў Ірана Абас Аракчы ў мінулыя выхадныя выйшаў на сувязь з прадстаўніком Белага дома Стывам Уіткафам. Бакі абмяркоўвалі магчымасць асабістай сустрэчы ў найбліжэйшы час.
Абас Аракчы. Фота: AP Photo/Hussein Malla
Паводле крыніц выдання, такія дзеянні Тэгерана могуць сведчыць пра жаданне зменшыць напружанасць у адносінах з Вашынгтонам або хаця б выйграць час да таго моманту, калі прэзідэнт ЗША Дональд Трамп прыме рашэнне аб далейшых кроках супраць іранскага рэжыму.
Таксама адзначаецца, што кантакты паміж Уіткафам і Аракчы пачаліся яшчэ падчас перамоў па ядзернай праграме Ірана ў мінулым годзе. Яны не спынялі абмен паведамленнямі нават пасля таго, як ЗША нанеслі ўдары па іранскіх ядзерных аб’ектах.
Чытайце таксама:
Трамп заявіў пра перасячэнне Іранам чырвонай лініі
«Новы этап паўстання»: кронпрынц Ірана заклікаў захопліваць дзяржаўныя ўстановы і пасольствы
Ціханоўская падтрымала народ Ірана: «Тыранія заўсёды падае»
«Грубы імперыялізм». З'явіўся аналіз новай палітыкі ЗША вачыма лукашэнкаўскіх сілавікоў
Дональд Трамп апублікаваў пост пра гатоўнасць ЗША дапамагчы Ірану