«Новы этап паўстання»: кронпрынц Ірана заклікаў захопліваць дзяржаўныя ўстановы і пасольствы
«Свабода Ірана ўжо блізкая… Мы не самотныя. Міжнародная падтрымка хутка прыйдзе», — сказаў Рэза Пехлеві.
Спадкаемец іранскага пасаду Рыза Пехлеві абвясціў пра пачатак «новага этапу нацыянальнага паўстання» з мэтай звяржэння рэжыму Ісламскай Рэспублікі. Пра гэта ён напісаў у сацыяльнай сетцы X.
«На працягу апошніх двух тыдняў, а асабліва цягам апошніх чатырох дзён, вы пахіснулі асновы нелегітымнай Ісламскай Рэспублікі дзякуючы масавым дэманстрацыям па ўсёй краіне.
Цяпер… я абвяшчаю пра пачатак новага этапу нацыянальнага паўстання з мэтай звяржэння Ісламскай Рэспублікі і аднаўлення нашага дарагога Ірана».
Апазіцыйны палітык акрэсліў канкрэтныя мэты для пратэстоўцаў. Унутры Ірана ён заклікаў, апроч кантролю цэнтральных вуліц, лічыць «законнымі мэтамі» ўсе ўстановы, што адказваюць за прапаганду рэжыму аятолаў і за адключэнне сродкаў сувязі.
Пехлеві таксама звярнуўся да супрацоўнікаў сілавых структур з заклікам «стаць на бок народа» і спыніць забойствы суайчыннікаў. Іранцаў, якія жывуць за мяжой, ён заклікаў захопліваць іранскія дыпламатычныя ўстановы.
«Усе іранскія пасольствы і консульствы належаць іранскаму народу. Настаў час упрыгожыць іх нацыянальным сцягам Ірана замест ганебнага сцяга Ісламскай Рэспублікі». — напісаў ён.
Пехлеві падкрэсліў, што павелічэнне колькасці забойстваў мірных дэманстрантаў з боку сілавікоў сведчыць пра «страх рэжыму перад набліжэннем канца».
«Свабода Ірана ўжо блізкая… Мы не самотныя. Міжнародная падтрымка хутка прыйдзе. Чакайце маіх наступных паведамленняў», — заключыў ён.
Каля плошчы Бангалор у Мінску вырас яшчэ адзін звышсакрэтны аб’ект12
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары
В Германии, где тоже нет монархии, нет и знати, потому все знатные титулы просто стали частью фамилии: пишут: Hans Graf von Nimburg, а не Graf Hans von Nimburg