Францыя затрымала ў Міжземным моры танкер расійскага ценявога флоту
Раніцай 22 студзеня ВМС Францыі ўзялі на абардаж падсанкцыйны нафтавы танкер, які рухаўся з Расіі, паведаміў прэзідэнт Францыі Эмануэль Макрон.
Здымак ілюстрацыйны. Фота: Marinetraffic
«Аперацыя праводзілася ў адкрытым моры ў Міжземнамор'і пры падтрымцы шэрагу нашых саюзнікаў. Яна ажыццяўлялася ў строгай адпаведнасці з Канвенцыяй ААН аб марскім праве. Распачатае судовае расследаванне», — напісаў Макрон у сацсетцы X.
Пасля гэтага судна было вымушана змяніць курс.
«Мы поўныя рашучасці выконваць міжнароднае права і забяспечваць эфектыўнае выкананне санкцый. Дзейнасць «ценявога флоту» спрыяе фінансаванню агрэсіўнай вайны супраць Украіны», — дадаў прэзідэнт Францыі.
Чытайце таксама:
Германія ўпершыню не прапусціла танкер расійскага ценявога флоту праз свае тэрытарыяльныя воды
ЗША затрымалі ўжо шосты замежны танкер, звязаны з Венесуэлай
Трамп вырашыў захопліваць расійскія танкеры, бо Пуцін яго «стаміў»
У экіпажы затрыманага танкера расійскага ценявога флоту — 17 украінцаў