Германія ўпершыню не прапусціла танкер расійскага ценявога флоту праз свае тэрытарыяльныя воды
Германія не дазволіла расійскаму танкеру Tavian прайсці ў Балтыйскае мора праз свае тэрытарыяльныя воды. Пра гэта паведаміла выданне Süddeutsche Zeitung.
Раніцай 10 студзеня федэральная паліцыя Германіі спыніла судна, якое ішло пад сцягам Камеруна, з-за падазрэнняў у фальшывай рэгістрацыі і выкарыстанні падробленага ідэнтыфікацыйнага нумара. У ходзе праверкі высветлілася, што гаворка ідзе пра 27‑гадовы так званы «танкер-зомбі», які за час эксплуатацыі змяніў ужо 13 назваў. Раней ён быў вядомы як Tia і Arcusat.
Танкер планаваў прайсці праз Балтыйскае мора ў Санкт-Пецярбург, дзе размешчаныя буйныя нафтавыя тэрміналы. Немецкія ўлады накіравалі да судна верталёт і запатрабавалі ў экіпажа дакументы з ідэнтыфікацыйнымі данымі. Праверка пацвердзіла парушэнні, і Tavian адмовілі ва ўваходзе ў нямецкія воды.
Пасля гэтага судна развярнулася на поўнач і, паводле звестак Starboard Maritime Intelligence, цяпер рухаецца ў бок Нарвежскага мора. Адтуль недалёка да Мурманска — яшчэ аднаго расійскага нафтавага порта.
Упершыню Германія звярнула ўвагу на Tavian у снежні 2025 года, калі танкер выходзіў з Балтыйскага мора. Тады ў нямецкай службе бяспекі суднаходства заявілі, што гэта першы зафіксаваны выпадак з’яўлення «танкера-зомбі» каля берагоў краіны. Аднак спыніць яго не змаглі, бо судна знаходзілася ў міжнародных водах. Пасля гэтага яно накіравалася ў бок Турцыі.
Паводле інфармацыі Kieler Nachrichten, танкер выйшаў з Прыморска з прыкладна 100 тысячамі тон расійскай нафты. Выданне адзначала, што тэхнічны стан судна вельмі дрэнны. Танкер быў пабудаваны ў 1998 годзе на верфі ў Паўднёвай Карэі для нямецкай кампаніі Reederei Nord і першапачаткова насіў назву Nordmark.
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары