15 студзеня амерыканскія вайскоўцы ўзялі пад кантроль нафтавы танкер Veronica ў Карыбскім моры. Гэта ўжо шостае судна, затрыманае Злучанымі Штатамі за апошнія тыдні. Пра гэта паведаміла Паўднёвае камандаванне ЗША, піша агенцтва Reuters.
У амерыканскай арміі адзначылі, што аперацыя прайшла без інцыдэнтаў. Паводле іх слоў, танкер Veronica парушыў каранцін для санкцыянаваных суднаў у Карыбскім басейне, уведзены прэзідэнтам ЗША Дональдам Трампам.
Reuters звяртае ўвагу, што затрыманне адбылося напярэдадні сустрэчы Трампа з лідарам венесуэльскай апазіцыі Марыяй Карынай Мачада. Іх першая асабістая сустрэча пасля адхілення ад улады Нікаласа Мадура павінна адбыцца якраз 15 студзеня.
Затрыманні танкераў сталі часткай кампаніі Трампа, накіраванай на ліквідацыю ўлады Нікаласа Мадура ў Венесуэле. Гэтая кампанія завяршылася ўварваннем амерыканскіх вайскоўцаў у краіну 3 студзеня з мэтай затрымання самога Мадура і яго жонкі.
Усе судны, якія ЗША перахапілі за гэты час, альбо знаходзіліся пад амерыканскімі санкцыямі, альбо ўваходзілі ў так званы «ценявы флот» і хавалі сваё паходжанне, каб перавозіць нафту ад падсанкцыйных краін — Ірана, Расіі або Венесуэлы.
Венесуэла пачала аднаўляць здабычу нафты пад кантролем ЗША
Трамп вырашыў захопліваць расійскія танкеры, бо Пуцін яго «стаміў»
Затрымаць сёння нафтавы танкер амерыканцам дапамаглі ўлады Венесуэлы. Трамп імі задаволены
У экіпажы затрыманага танкера расійскага ценявога флоту — 17 украінцаў
ЗША захапілі яшчэ адзін танкер расійскага ценявога флоту
Пракуратура пра смерць Мелказёрава: журналіст меў хранічную хваробу17
Каментары
маскоўцы так Трамп ваш ці не ?)
ps Трамп цісні мацней!