Павышаюць тарыфы на жыллёва-камунальныя паслугі

Указ аб павышэнні тарыфаў на жыллёва-камунальныя паслугі падпісаў Аляксандр Лукашэнка.

Камунальныя плацяжы ў Беларусі вырастуць на 22,5 рублі — разлік зроблены для сям'і з трох чалавек, якая жыве ў двухпакаёвай кватэры плошчай 48 кв. м пры стандартным спажыванні паслуг.

Павышэнне пройдзе ў два этапы:

• са студзеня тарыфы вырастуць на ўсе паслугі, акрамя ацяплення і гарачай вады, — на 19,37 рубля;
• з чэрвеня падаражэе цеплавая энергія для ацяплення і гарачага водазабеспячэння — яшчэ на 3,13 рубля.

Паводле разлікаў адміністрацыі Лукашэнкі, аплата ЖКП складзе каля 3,5% даходу сям'і з двума людзьмі, якія працуюць, і 7,5% — для сям'і з двух пенсіянераў.

Сістэма безнаяўных жыллёвых субсідый захаваецца: дапамога належыць тым, у каго выдаткі на камуналку перавышаюць 20% даходу ў горадзе і 15% — у сельскай мясцовасці.

Каментары да артыкула