«Будзе дзень, калі Беларусь будзе ў Еўропе разам з намі ўсімі і будзе менавіта так, як людзі ў Беларусі заслугоўваюць».
Прэзідэнт Украіны Уладзімір Зяленскі на прэс-канферэнцыі пасля памятных мерапрыемстваў у Вільні ў гонар паўстанцаў 1863‑1864 гадоў яшчэ раз згадаў Беларусь.
«Дзякую Літве за тое, што мы ўсе сёння вось так былі разам: украінцы, літоўцы, палякі. І сёння з намі былі прадстаўнікі каманды вольнай Беларусі, і гэта кажа ўсім даволі ясна, што будзе дзень, калі Беларусь будзе ў Еўропе разам з намі ўсімі і будзе менавіта так, як людзі ў Беларусі заслугоўваюць.
Мы ўсе павінны быць эфектыўнымі ў супрацоўніцтве — у абароне нашага суверэнітэту, нашых народаў — усе ў нашай частцы Еўропы і ўсе ў Еўропе. Усе мы ведаем, што для гэтага патрэбна», — сказаў Зяленскі.
Дагэтуль у прамове ў Кафедральным касцёле ён адзначаў, што «беламу шпіцу Лукашэнкі пакінута больш правоў, чым народу Беларусі». «Быў шанс у 2020 годзе гэта змяніць — і яшчэ будзе такі шанс», — выказаў спадзеў Зяленскі.
Цяпер чытаюць
Бізнэсовец родам з Бабруйска адмовіцца ад свайго гіганцкага аўстралійскага заробку дзеля шанцу атрымаць $35 мільёнаў3
Каментары