На вуду інтэрнэт-махляроў трапіла нават супрацоўніца банка
У Гродзенскі раённы аддзел міліцыі звярнулася жыхарка гарадскога пасёлка Сапоцкін, якая страціла грошы пры куплі абутку праз Instagram.
Здымак ілюстрацыйны. Фота: «Наша Ніва»
Хоць пацярпелая працуе ў банкаўскай сферы і добра ведае распаўсюджаныя схемы махлярства, злачынцу ўдалося ўвесці яе ў зман. Ён падаў рэквізіты карты беларускага банка, што стварыла ўражанне надзейнасці і законнасці здзелкі.
Жанчына перавяла прадаўцу 280 рублёў у якасці аплаты, пасля чаго той перастаў выходзіць на сувязь.
Па факце здарэння распачалі крымінальную справу.
У міліцыі нагадваюць: не варта пералічваць перадаплату за тавары ў сацыяльных сетках, нават калі прадавец падае «надзейныя» банкаўскія рэквізіты.
Чытайце таксама:
Затрымалі махляроў-«інкасатараў», якія забіралі грошы ў пенсіянераў
Прыйшла ў банк, каб перавесці 20 тысяч рублёў на замежны рахунак, але супрацоўнікі выклікалі міліцыю