Выканаўцам замаху на генерала Аляксеева быў грамадзянін Расіі. Яго даставілі ў Маскву
Стала вядомая асоба кілера, які страляў у расійскага генерал-лейтэнанта ГРУ Уладзіміра Аляксеева.
Паводле звестак ФСБ, гэта 65‑гадовы грамадзянін Расіі Любамір Корба. Яго затрымалі ў Дубаі пры садзейнічанні спецслужбаў ААЭ.
Устаноўлены таксама меркаваныя памочнікі. У Маскве быў затрыманы 67‑гадовы Віктар Васін. 55‑гадовая Зінаіда Серабрыцкая, паводле звестак ФСБ, паспела выехаць ва Украіну.
Намесніка кіраўніка ГРУ Уладзіміра Аляксеева спрабавалі забіць 6 лютага каля 7‑й гадзіны раніцы — у ліфтавым холе яго дома на Валакаламскай шашы.
Чытайце таксама:
У Маскве расстралялі намесніка кіраўніка ГРУ
Заходнія спецслужбы сумняюцца, што за замахам на генерала Аляксеева стаіць Украіна