Айцішніка з Мінска пасадзілі па чатырох палітычных артыкулах
Міхаіл Горбач усё жыццё займаўся рамонтам камп'ютараў і наладкай тэхнікі. Але нядаўна яго асудзілі за палітыку.
Міхаіл Горбач. Фота з ягонай старонкі Укантакце
Міхаілу Горбачу 43 гады. Ён мінчук, у 2003 годзе скончыў факультэт радыёфізікі і камп'ютарных тэхналогій БДУ.
З 2014 года Міхаіл працаваў як індывідуальны прадпрымальнік: займаўся тэхнічным абслугоўваннем офіснай тэхнікі. Таксама ён быў сістэмным адміністратарам у некалькіх кампаніях у Мінску.
Міхаіл — аматар футбола. Ён ездзіў на розныя міжнародныя спаборніцтвы, у тым ліку быў на чэмпіянаце Еўропы ў 2012-м.
У верасні 2024 года мужчына адпачываў у Егіпце. Неўзабаве пасля гэтага ён знік з сацсетак.
Горбача судзілі ў Магілёўскім абласным судзе. Яго абвінавацілі адразу па чатырох крымінальных артыкулах: распальванне варожасці (ч. 1 арт. 130), абраза Лукашэнкі (ч. 1 арт. 368), абраза прадстаўніка ўлады (арт. 369) і ўваходжанне ў склад «экстрэмісцкага фармавання» (ч. 3 арт. 361-1).
Прысуд невядомы, але звязаны з пазбаўленнем волі.
Чытайце таксама:
Маладую фатографку з Баранавічаў асудзілі за палітыку. Яна толькі нядаўна стала мамай
Кіроўцу аўтобуса з Магілёва адправілі за краты за лайкі ў «Аднакласніках»
Тлумачым, якім чынам сілавікі знаходзяць карыстальнікаў Telegram і як гэтага пазбегнуць