Маладую фатографку з Баранавічаў асудзілі за палітыку. Яна толькі нядаўна стала мамай
Паліну Верамяйчук асудзілі, найхутчэй, па справе Гаюна.
Паліне Верамяйчук 27 гадоў. Яна родам з аграгарадка Сталовічы Баранавіцкага раёна.
Паводле адукацыі Паліна фінансіст, скончыла факультэт фінансаў і банкаўскай дзейнасці Беларускага дзяржаўнага эканамічнага ўніверсітэта. Але сваё жыццё звязала з творчасцю.
Яна вядомая як фатографка, здымала ў Баранавічах і Мінску. У сваім профілі дзяўчына пісала, што стварае «жаночыя партрэты і сямейныя гісторыі, якім верыш», і фатаграфуе так, «як быццам закаханая ў вас».
У Паліны ёсць муж і зусім маленькае дзіця. Яна стала мамай толькі ў ліпені 2025 года. Дакладна невядома, калі менавіта да Верамяйчук прыйшлі сілавікі і ці трымалі яе пад вартай.
Дзяўчыну абвінавацілі паводле частак 1 і 2 артыкула 361‑4 Крымінальнага кодэкса — «садзейнічанне экстрэмісцкай дзейнасці» — і асудзілі ў Брэсцкім абласным судзе. Пераслед звязаны, найхутчэй, са справай Гаюна.
Дзяўчыне прысудзілі хатнюю хімію, але дакладны прысуд невядомы.
«Наша Нiва» — бастыён беларушчыны
ПАДТРЫМАЦЬЦяпер чытаюць
Сустрэчу Рыжанкова з Сікорскім папрасіў Мінск. Што каманда Ціханоўскай абмяркоўвала з палякамі да і пасля яе5
Каментары