Ajcišnika ź Minska pasadzili pa čatyroch palityčnych artykułach

Michaił Horbač usio žyćcio zajmaŭsia ramontam kampjutaraŭ i naładkaj techniki. Ale niadaŭna jaho asudzili za palityku.

Michaił Horbač. Fota ź jahonaj staronki Ukantakcie

Michaiłu Horbaču 43 hady. Jon minčuk, u 2003 hodzie skončyŭ fakultet radyjofiziki i kampjutarnych technałohij BDU.

Z 2014 hoda Michaił pracavaŭ jak indyvidualny pradprymalnik: zajmaŭsia techničnym absłuhoŭvańniem ofisnaj techniki. Taksama jon byŭ sistemnym administrataram u niekalkich kampanijach u Minsku.

Michaił — amatar futboła. Jon jeździŭ na roznyja mižnarodnyja spabornictvy, u tym liku byŭ na čempijanacie Jeŭropy ŭ 2012-m.

U vieraśni 2024 hoda mužčyna adpačyvaŭ u Jehipcie. Nieŭzabavie paśla hetaha jon źnik z sacsietak.

Horbača sudzili ŭ Mahiloŭskim abłasnym sudzie. Jaho abvinavacili adrazu pa čatyroch kryminalnych artykułach: raspalvańnie varožaści (č. 1 art. 130), abraza Łukašenki (č. 1 art. 368), abraza pradstaŭnika ŭłady (art. 369) i ŭvachodžańnie ŭ skład «ekstremisckaha farmavańnia» (č. 3 art. 361-1).

Prysud nieviadomy, ale źviazany z pazbaŭleńniem voli.

Kamientary da artykuła