Суд у Кіеве адхіліў скаргу на арышт Іны Кардаш
Кіеўскі апеляцыйны суд адхіліў скаргу на арышт журналісткі Іны Кардаш, якую 20 студзеня затрымалі па падазрэнні ў шпіёнстве на карысць беларускага КДБ, паведамляе выданне «Суспільне».
Іна Кардаш
Іна Кардаш працавала ва Украіне журналісткай з 2019 года. Паводле версіі следства, з таго ж года яна падтрымлівала кантакты з грамадзянінам Беларусі, які супрацоўнічаў са спецслужбамі. У верасні 2025 года яна паехала ў Беларусь, дзе, па даных следства, яе завербавалі ў КДБ.
Пазней яна падпісала кантракт з ГУР Міністэрства абароны Украіны і ўладкавалася ў Каардынацыйны штаб. Следства сцвярджае, што там яна фатаграфавала сакрэтныя дакументы і перадавала іх куратарам у КДБ.
Чытайце таксама:
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
КДБ пачаў кар’еру Кардаш, падсунуўшы яе ў Мінску 55‑гадоваму гуру ўкраінскай журналістыкі
InformNapalm просіць ГУР абмяняць затрыманую за шпіянаж Кардаш на журналіста Дзяніса Івашына