InformNapalm просіць ГУР абмяняць затрыманую за шпіянаж Кардаш на журналіста Дзяніса Івашына
Міжнародная валанцёрская супольнасць InformNapalm выступіла з ініцыятывай абмену: яны прапануюць перадаць Мінску затрыманую за шпіянаж Іну Кардаш у абмен на вызваленне палітвязня Дзяніса Івашына.
Адпаведны зварот накіраваны ў Галоўнае ўпраўленне разведкі МА Украіны і іншыя структуры, якія займаюцца пытаннямі абмену палонных.
«Калі гэтую беларускую шпіёнку плануюць абмяняць, мы просім разгледзець варыянт яе абмену на журналіста Дзяніса Івашына. Нагадваем, што з 2021 года ў палоне рэжыму Лукашэнкі знаходзіцца галоўны рэдактар беларускай рэдакцыі InformNapalm Дзяніс Івашын, асуджаны да 13 гадоў калоніі ўзмоцненага рэжыму за журналісцкія публікацыі пра былых супрацоўнікаў «Беркута», якія перайшлі на службу да Лукашэнкі», — напісаў заснавальнік валанцёрскай супольнасці InformNapalm і галоўны рэдактар Раман Бурко.
Інфармацыя пра затрыманне Іны Кардаш у Кіеве з’явілася 27 студзеня. Украінскія спецслужбы заявілі, што журналістка займалася шпіянажам на карысць беларускіх улад яшчэ з 2015 года.
Дзяніс Івашын, былы кіраўнік беларускай рэдакцыі InformNapalm, знаходзіцца за кратамі з сакавіка 2021 года. Яго асудзілі да 13 гадоў і 1 месяца калоніі паводле абвінавачання ў «здрадзе дзяржаве».
Цяпер чытаюць
Намеснікам кіраўніка Адміністрацыі прэзідэнта стаў цвердалобы Муравейка, а Генштаб узначаліў генерал, які не вучыўся ў Расіі20
Намеснікам кіраўніка Адміністрацыі прэзідэнта стаў цвердалобы Муравейка, а Генштаб узначаліў генерал, які не вучыўся ў Расіі
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1616
Каментары
Дзяніса Івашына , Андрэя Пачобута і Мікалая Ау́туховіча