Частку трупаў нават не закопвалі. Адкрыліся вусцішныя падрабязнасці пра падзеж жывёлы ў Клецкім раёне
У гаспадарках Клецкага раёна знайшлі сур’ёзныя парушэнні ветэрынарна-санітарных нормаў, звязаныя з утылізацыяй трупаў загінулых жывёл. Пра гэта паведаміла мясцовая пракуратура.
Пракурорскія праверкі паказалі, што ў шэрагу сельскагаспадарчых арганізацый не выконваліся правілы пахавання і знішчэння трупаў жывёл і прадуктаў жывёльнага паходжання.
У адным з выпадкаў мёртвую жывёлу і яе парэшткі хавалі не на спецыяльна прызначаным скотамагільніку, а на прылеглай тэрыторыі, якая не была агароджаная. З-за гэтага доступ да туш, якія раскладаліся, маглі мець як староннія людзі, так і бадзяжныя ды дзікія жывёлы.
Частку трупаў наогул не закопвалі: яны захоўваліся ў прычэпе і проста на тэрыторыі малочна-таварнага комплексу. Паводле пракуратуры, загінулыя жывёлы своечасова не вывозіліся з фермаў, а неабходныя ўмовы для іх збору і ўтылізацыі не былі створаныя.
Таксама выявілі факты ўнясення недакладных звестак у дакументацыю — у журналы рэгістрацыі прыплоду і ацёлаў уносіліся фальшывыя даты, у тым ліку адносна мёртванароджаных цялят.
У іншай гаспадарцы скотамагільнік не быў належным чынам абсталяваны: адсутнічалі агароджа, накрыўка з замкамі і навес. Рэшткі туш складваліся ў яме і часткова засыпаліся снегам.
Пракуратура падкрэсліла, што такія парушэнні ствараюць пагрозу распаўсюджвання інфекцыйных захворванняў сярод жывёл, асабліва з улікам доступу дзікіх звяроў і птушак да парэшткаў.
Кіраўніку райвыканкама выставілі патрабаванні ліквідаваць выяўленыя парушэнні, прывесці скотамагільнікі і прылеглыя тэрыторыі ў адпаведнасць з ветэрынарна-санітарнымі нормамі, арганізаваць належныя ўмовы для збору і ўтылізацыі трупаў жывёл, правесці праверку па фактах скажэння дакументацыі і разгледзець пытанне аб прыцягненні вінаватых да адказнасці.
«Па калена ў гноі і заробак 200 рублёў». Жывёлавод з-пад Салігорска паказаў сваю ферму ва ўсёй красе
Каранік прапанаваў праводзіць супраць падзяжу жывёлы «палітыку НЭП»
Дырэктарка эталоннага калгаса ў Добрушы 12 гадоў хавала падзеж і збівала падначаленых. Аднаго спрабавала накарміць сіласам
Лукашэнка прыгразіў паздымаць галовы за падзеж жывёлы
Стала вядома, колькі людзей у Беларусі пакаралі за падзеж жывёлы
Лукашэнка заявіў, што падзеж жывёлы ў Беларусі дасягнуў «гістарычнага максімуму»
Цяпер чытаюць
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў10
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары