У красавіку адкрыюць абноўленую зону чакання на мяжы ў Брэсце ФОТЫ

Абноўленую зону чакання на беларуска-польскай мяжы перад пунктам пропуску «Брэст» («Варшаўскі мост») плануюць адкрыць ужо ў красавіку. Будаўнічыя работы пачаліся яшчэ ў маі 2025 года, і цяпер аб’ект амаль гатовы — больш як на 90%, піша БелТА.

Новая зона стане значна больш сучаснай і зручнай. Яна будзе разлічаная прыкладна на 235 легкавых аўтамабіляў і 50 аўтобусаў. У параўнанні з ранейшай, яна значна пашырана і лепш абсталявана.

Для падарожнікаў прадугледжаныя:

• кантрольна-прапускныя пункты і электронныя табло;
• зарадныя станцыі для аўтамабіляў;
• санітарны блок з душамі;
• месцы грамадскага харчавання;
• зоны адпачынку;
• магчымасць карыстацца Wi-Fi.

Як адзначыў начальнік Брэсцкай мытні Сяргей Якута, застанецца дзейнічаць і электронная рэгістрацыя — людзі змогуць чакаць сваёй чаргі ў камфортных умовах, пакуль іх не выклічуць на праезд мяжы.

Каментары да артыкула