Міністр замежных спраў наведаў сёння пункты пропуску «Брэст» і «Казловічы». Ён ацаніў інфраструктуру і ўмовы для тых, хто перасякае беларуска-польскую мяжу, піша БелТА.
Ён сказаў, што Беларусь са свайго боку гатова ў найкарацейшыя тэрміны забяспечыць магчымасці для перасячэння большай колькасці грузаў і перамяшчэння грамадзян. «Мяч на баку нашых партнёраў з таго боку мяжы», — падкрэсліў кіраўнік МЗС.
Ён звярнуў увагу на тое, што ў свеце цяпер нестабільная абстаноўка. Беларусь цалкам можа звязаць Еўрапейскі саюз з Усходам.
«Праз Беларусь праходзіць калідор, які сёння вельмі спакойны, на якім ёсць пункты пропуску, абсталяваныя па апошнім слове тэхнікі і здольныя агрэгаваць велізарную колькасць грузаў на працягу сутак. Вядома, я вельмі спадзяюся, што ў нашых суседзяў усё ж такі пераважыць разумны падыход, каб зразумець, што самы час гэтым скарыстацца. Гэта прынясе выгаду і для іх, і для нас», — перакананы Максім Рыжанкоў.
Ён таксама сказаў, што менавіта «Захад быў ініцыятарам абмежаванняў, якія робяць дастаўку грузаў больш затратнай і якія сталі прычынай затрымак на мяжы для грамадзян і транспарту».
«Калі яны захочуць скарыстацца сённяшнім момантам і сапраўды праз сябе, праз Польшчу і Беларусь сфарміраваць добры, больш надзейны, больш шырокі канал узаемадзеяння па лініі Захад — Усход, мы да гэтага ўжо дакладна гатовыя. Гэта вельмі выгадная тэма. Чакаем іх дзеянняў. Яны павінны сябе праявіць, бо менавіта яны былі ініцыятарамі ўсіх абмежаванняў», — падсумаваў міністр замежных спраў Беларусі.
Першага намесніка гендырэктара «Белвеста» пасадзілі на тры з паловай гады за палітыку6
Першага намесніка гендырэктара «Белвеста» пасадзілі на тры з паловай гады за палітыку
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1717
Каментары