U krasaviku adkryjuć abnoŭlenuju zonu čakańnia na miažy ŭ Breście FOTY
Abnoŭlenuju zonu čakańnia na biełaruska-polskaj miažy pierad punktam propusku «Brest» («Varšaŭski most») płanujuć adkryć užo ŭ krasaviku. Budaŭničyja raboty pačalisia jašče ŭ mai 2025 hoda, i ciapier abjekt amal hatovy — bolš jak na 90%, piša BiełTA.
Novaja zona stanie značna bolš sučasnaj i zručnaj. Jana budzie raźličanaja prykładna na 235 lehkavych aŭtamabilaŭ i 50 aŭtobusaŭ. U paraŭnańni z raniejšaj, jana značna pašyrana i lepš abstalavana.
Dla padarožnikaŭ praduhledžanyja:
- kantrolna-prapusknyja punkty i elektronnyja tabło;
- zaradnyja stancyi dla aŭtamabilaŭ;
- sanitarny błok z dušami;
- miescy hramadskaha charčavańnia;
- zony adpačynku;
- mahčymaść karystacca Wi-Fi.
Jak adznačyŭ načalnik Bresckaj mytni Siarhiej Jakuta, zastaniecca dziejničać i elektronnaja rehistracyja — ludzi zmohuć čakać svajoj čarhi ŭ kamfortnych umovach, pakul ich nie vykličuć na prajezd miažy.
Čytajcie taksama:
Ryžankoŭ zajaviŭ, što Biełaruś całkam moža źviazać ES z Uschodam
Z Polščy ŭ Biełaruś nie dali ŭvieźci kulturnyja kaštoŭnaści
Biełarus sprabavaŭ uvieźci z Polščy hašyš u blašankach z-pad sadaviny