У Хоцімскім раёне падтапіла мост і ўчастак дарогі
Паводле інфармацыі МНС, аўтамабільны мост і ўчастак дарогі ў Хоцімскім раёне падтопленыя з-за павышэння ўзроўню вады ў рацэ Бесядзь.
Фота: МНС
Часткова падтоплены мост каля вёскі Баханы. Акрамя таго, затоплены ўчастак грунтавай дарогі паміж Баханамі і Дубраўкай — вада накрыла дарожнае палатно на 10—15 сантыметраў.
Рух транспарту на гэтым участку быў часова забаронены, паставілі адпаведныя знакі. Аднак іншыя пад’язныя дарогі да вёсак застаюцца, таму насельніцтва ад цывілізацыі не адрэзана.
Па даных Белгідрамета, зараз у многіх рэках Беларусі назіраецца рост узроўню вады. Павышаны ўзровень вады ў поймах асноўных прытокаў Дняпра, Бярэзіны, Сожа і Прыпяці, а таксама на асобных участках рэк басейнаў Нёмана і Віліі.
Чытайце таксама:
Паводка затапіла два масты на ўсходзе Беларусі
У 16 раёнах зафіксаваныя падтапленні
Ад веснавой паводкі ўжо пацярпелі 11 раёнаў
«Растае снег, ідзе дождж — мы плывём»: у Віцебску новабудоўлю падтоплівае ўжо другую вясну