U Chocimskim rajonie padtapiła most i ŭčastak darohi
Pavodle infarmacyi MNS, aŭtamabilny most i ŭčastak darohi ŭ Chocimskim rajonie padtoplenyja z-za pavyšeńnia ŭzroŭniu vady ŭ race Biesiadź.
Fota: MNS
Častkova padtopleny most kala vioski Bachany. Akramia taho, zatopleny ŭčastak hruntavaj darohi pamiž Bachanami i Dubraŭkaj — vada nakryła darožnaje pałatno na 10—15 santymietraŭ.
Ruch transpartu na hetym učastku byŭ časova zabaronieny, pastavili adpaviednyja znaki. Adnak inšyja padjaznyja darohi da viosak zastajucca, tamu nasielnictva ad cyvilizacyi nie adrezana.
Pa danych Biełhidramieta, zaraz u mnohich rekach Biełarusi nazirajecca rost uzroŭniu vady. Pavyšany ŭzrovień vady ŭ pojmach asnoŭnych prytokaŭ Dniapra, Biareziny, Soža i Prypiaci, a taksama na asobnych učastkach rek basiejnaŭ Niomana i Vilii.
Čytajcie taksama:
Pavodka zatapiła dva masty na ŭschodzie Biełarusi
U 16 rajonach zafiksavanyja padtapleńni
Ad viesnavoj pavodki ŭžo paciarpieli 11 rajonaŭ
«Rastaje śnieh, idzie doždž — my płyviom»: u Viciebsku novabudoŭlu padtoplivaje ŭžo druhuju viasnu