Змяняюцца расцэнкі на паслугі рыэлтараў

У Беларусі мяняюць расцэнкі на паслугі рыэлтараў, з’явіліся і канкрэтныя лічбы. Новыя расцэнкі набываюць моц з 16 мая.

Здымак ілюстрацыйны. Фота: «Наша Ніва»

Раней для аб’ектаў коштам да 4200 базавых велічынь (189 тысяч рублёў) дзейнічала адзіная планка — 3%. Цяпер уводзіцца дыферэнцыяваная шкала:

• пры кошце да 700 базавых велічынь тарыф складзе 6%;
• ад 700 да 2 тысяч базавых — 5%;
• ад 2 да 3 тысяч базавых — 4%;
• ад 3 да 4,2 тысячы базавых — 3% (як і было раней).

Для аб’ектаў, даражэйшых за 12,4 тысячы базавых велічынь, адмянілі шматступеньчатую сетку (дзе тарыф вар’іраваўся ад 1% да 1,5%). Цяпер там уводзіцца адзіная стаўка — 1,5% ад кошту.

Каментары да артыкула