У Прыпяцкім нацыянальным парку паказалі, як мяўкаюць беларускія рысі ВІДЭА

У Прыпяцкім нацыянальным парку паказалі рэдкае відэа з рыссю — на ім самец кліча самку падчас шлюбнага перыяду, заўважыла выданне Telegraf.news.

Скрыншот з відэа

Аказалася, што рысі сапраўды «мяўкаюць», але гэты гук зусім не падобны да звычайнага кацінага мяўкання. Ён значна ніжэйшы, больш грубы і нагадвае хутчэй глухі рык, які рэдка можна пачуць у прыродзе.

Посмотреть в Threads

Такія гукі звязаныя з перыядам гону, які ў беларускіх рысяў звычайна прыпадае на люты і сакавік. У гэты час самцы, якія звычайна жывуць вельмі ўтойліва і паасобку, пачынаюць шукаць самак і актыўна пазначаюць сваю тэрыторыю.

Калі яны знаходзяць пару, паводзяць сябе даволі асцярожна і некаторы час «знаёмяцца». Нягледзячы на адносна мяккія паводзіны ў гэты перыяд, самец застаецца з самкай толькі на кароткі час.

Пасля гэтага самка самастойна выхоўвае рысянят, а самец не ўдзельнічае ў іх далейшым жыцці.

Каментары да артыкула