U Prypiackim nacyjanalnym parku pakazali, jak miaŭkajuć biełaruskija rysi VIDEA
U Prypiackim nacyjanalnym parku pakazali redkaje videa z ryśsiu — na im samiec kliča samku padčas šlubnaha pieryjadu, zaŭvažyła vydańnie Telegraf.news.
Skrynšot ź videa
Akazałasia, što rysi sapraŭdy «miaŭkajuć», ale hety huk zusim nie padobny da zvyčajnaha kacinaha miaŭkańnia. Jon značna nižejšy, bolš hruby i nahadvaje chutčej hłuchi ryk, jaki redka možna pačuć u pryrodzie.
Takija huki źviazanyja ź pieryjadam honu, jaki ŭ biełaruskich rysiaŭ zvyčajna prypadaje na luty i sakavik. U hety čas samcy, jakija zvyčajna žyvuć vielmi ŭtojliva i paasobku, pačynajuć šukać samak i aktyŭna paznačajuć svaju terytoryju.
Kali jany znachodziać paru, pavodziać siabie davoli aściarožna i niekatory čas «znajomiacca». Niahledziačy na adnosna miakkija pavodziny ŭ hety pieryjad, samiec zastajecca z samkaj tolki na karotki čas.
Paśla hetaha samka samastojna vychoŭvaje rysianiat, a samiec nie ŭdzielničaje ŭ ich dalejšym žyćci.
Čytajcie taksama:
Šunievič: Pieršy siezon palavańnia na rysiaŭ skončyŭsia poŭnym pravałam