Шуневіч: Першы сезон палявання на рысяў скончыўся поўным правалам
Старшыня Беларускага таварыства паляўнічых і рыбаловаў, колішні міністр унутраных спраў Ігар Шуневіч назваў першы за многія гады сезон палявання на рысь правальным. З 57 дазволеных для здабычы жывёл у мінулым сезоне было забіта толькі шэсць асобін, або каля 10,5%.
Шуневіч адзначыў, што сітуацыя з рыссю «неадназначная» і поўны правал сезона звязаны з тым, што дазволілі спосабы палявання толькі падыходам і з засады, без загонных паляванняў.
Падчас гэтага сезона забітыя жывёлы хутчэй сталі «папутнай здабычай», бо ў беларускіх паляўнічых няма адпаведнага досведу і магчымасцяў для палявання з сабакамі.
Ён таксама падкрэсліў, што ўсе заклапочанасці эколагаў адносна ўплыву палявання на папуляцыю былі перабольшаннем: фактычна паляванне на рысь не стала «феноменам нацыянальнага палявання».
Сезон палявання на рысяў працягваўся з 31 кастрычніка 2025 года па 31 студзеня 2026 года. Дазвол на паляванне быў дадзены пастановай Савета Міністраў № 233 ад 23 красавіка 2025 года, а ахоўны статус рысі быў паніжаны пастановай Мінпрыроды № 10 ад 14 сакавіка 2025 года.
Паляванне дазволена ў Віцебскай, Гомельскай і Мінскай абласцях. Дазвол на здабычу рысяў для грамадзян Беларусі і краін Еўразійскага эканамічнага саюза каштуе 200 рублёў, для іншых дзяржаў — 500 рублёў.
Раней паведамлялася, што першы сезон палявання на іншага чырванакніжнага звера, мядзведзя, быў, наадварот, вельмі паспяховы: з 40 выдзеленых жывёл забілі 39.
Беларускага Сінюю Бараду адпусцілі з расійскай турмы паміраць дома6
Беларускага Сінюю Бараду адпусцілі з расійскай турмы паміраць дома
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
Каментары