У Магілёве адкрыюць спеўны фантан з выкананнем «Белавежскай пушчы»
У Магілёве з’явіцца новы спяваючы фантан, які будзе выконваць у тым ліку вядомую песню «Белавежская пушча». Спіс музыкі ўжо зацверджаны гарадскімі ўладамі, але яго могуць памяняць з улікам пажаданняў жыхароў, паведаміла прэс-служба Магілёўскага гарвыканкама.
Фота: vyacheslav_kislov / instagram.com
Фантан плануюць запусціць ужо ў гэтым сезоне. Яго будуюць на рацэ Дубровенка прыкладна за 30 метраў ад берага.
Канструкцыя будзе шматузроўневая: струмені вады будуць «танцаваць» пад музыку, а падсветка — змяняцца ў такт мелодыям.
У праграме прадугледжана некалькі паўгадзінных музычных блокаў, у якія ўвойдуць як класічныя творы, так і сучасныя хіты. Сярод іх ёсць і знакамітая «Белавежская пушча».
Пры гэтым плэйліст плануюць рэгулярна абнаўляць. Жыхарам горада прапануюць ужо цяпер прапаноўваць свае варыянты песень.
Чытайце таксама:
У Мінску зноў пачаў плаваць рачны трамвай
Як пераўтвараюць пляцоўку каля Палаца спорту — рэканструююць зону фантана, зробяць міні-кафэ ФОТЫ
У Магілёве пабудуюць другі лядовы палац. Пры ім будзе і першы ў горадзе аквапарк