Гаворка пра катар «Аўгустын» — адзін з сімвалаў сталічнага дзіцячага парка, які курсіруе па акваторыі Свіслачы ў самым цэнтры горада.
Трамвайчык ходзіць па меры напаўнення, фіксаванага раскладу ў яго няма. Усяго ён можа прыняць на борт 27 чалавек, піша Times.by.
Увесь маршрут — ад парка Горкага да музычнага фантана (каля парка Янкі Купалы) — займае каля 20 хвілін. Водныя прагулкі ў выходныя дні пачынаюцца з 10:00 і заканчваюцца а 22:00, у буднія — з 12:00 да 22:00.
Кошт не змяніўся ў параўнанні з мінулым годам і складае 10 рублёў. Для дзяцей да трох гадоў, дзяцей з інваліднасцю і інвалідаў I групы — бясплатна.
«Аўгустын» пачаў працаваць у парку Горкага ў 1990-х, але ў 2018 годзе быў спісаны па заканчэнні тэрміну службы. У жніўні 2024 года легендарны рачны трамвай нечакана вярнулі на Свіслач, аднавіўшы яго на базе больш новага катэра.
Каментары