«Белавія» аднаўляе палёты ў Ізраіль
Беларуская авіякампанія «Белавія» аднаўляе палёты ў Ізраіль пасля паўтарамесячнага перапынку, выкліканага канфліктам на Блізкім Усходзе.
Здымак ілюстрацыйны. Фота: vecteezy.com
Рэйсы ў Тэль-Авіў былі часова спыненыя ў пачатку сакавіка з-за закрыцця паветранай прасторы краіны, пасля адмена рэйсаў неаднаразова падаўжалася. Цяпер плануецца, што рэгулярныя пералёты паміж Мінскам і Тэль-Авівам адновяцца з 19 красавіка 2026 года.
Самалёты будуць лётаць двойчы на тыдзень — у чацвер і нядзелю.
Вылет з Мінска запланаваны на 4:10, з прыбыццём у Ізраіль а 10:20. Зваротны рэйс з Тэль-Авіва будзе вылятаць аб 11:20 і прыбываць у Мінск а 17:45.
Квіткі можна будзе набыць праз афіцыйны сайт кампаніі, у яе офісах або ў турагентаў.
Чытайце таксама:
Беларусы размятаюць квіткі ў Стамбул на чэрвень — усё праз канцэрт Каржа
«Белавія» пераходзіць на летні расклад