Грамадства11

«Белавія» запусціла самы доўгі рэйс у сваёй гісторыі

У ноч на пятніцу з Мінска адправіўся першы рэгулярны рэйс у В’етнам. Лятаць авіякампанія «Белавія» будзе ў Нячанг.

Фота: OL

Раней авіякампанія анансавала палётную праграму ў Нячанг толькі з 31 сакавіка. Але на фоне крызісу на Блізкім Усходзе, калі давялося вывозіць турыстаў з ААЭ, Катара і Амана, вырашылі раней запусціць дадатковыя рэйсы ў В’етнам, піша Office Life.

Дарэчы, і сярод пасажыраў першага рэйса ў Нячанг былі і тыя, каму давялося змяніць планы на адпачынак на карысць В’етнама з-за закрытага неба на блізкаўсходніх курортах.

У «Белавія» запэўнілі, што на гэтым момант вывезлі ўсіх беларускіх турыстаў, якія затрымаліся на Блізкім Усходзе.

У В’етнам самалёт ляціць 11 гадзін, а назад — 11 гадзін 40 хвілін. Цяпер гэта самы працяглы рэйс для Belavia: адлегласць амаль 9300 км.

Ён будзе рэгулярным, гэта значыць, што квіткі на яго зможа набыць любы ахвочы. Кошт квітка туды і назад пачынаецца ад 3222 рублёў.

Фота: OL

Лятаць у В’етнам плануюць тры разы на тыдзень — у аўторак, чацвер і суботу.

Як расказаў намеснік дырэктара па маркетынгу Уладзімір Баркун, на першы рэйс квіткі выкупілі 270 пасажыраў усяго за тыдзень, а на зваротны ўжо прададзена 92 квіткі.

Нячанг — курортны горад на беразе Паўднёва-Кітайскага мора. Тут вялікія чыстыя пляжы, прыгожыя астравы, шмат лакацый для дайвераў.

З 12 кастрычніка «Белавія» ўжо выконвае чартарную праграму ў В’етнам на востраў Фукуок. А з 10 мая авіякампанія плануе адкрыць чартарныя рэйсы ў в’етнамскі Дананг.

Паводле слоў прадстаўніка МЗС Руслана Варанкова, які працаваў у В’етнаме, гэтая краіна цікавая не толькі з пункту гледжання турызму, але і для супрацоўніцтва ў іншых напрамках, напрыклад у лагістыцы, сельскай гаспадарцы.

На рэйсе таксама плануецца перавозка грузаў у нашу краіну — у першую чаргу гэта садавіна, тэкстыль, а з Беларусі гатовыя працаваць з экспарцёрамі па розных напрамках.

Прадстаўнік МЗС Руслан Варанкаў, намеснік гендырэктара «Белавіі» Уладзімір Баркун, надзвычайны і паўнамоцны Пасол В’етнама ў Беларусі Нгуен Ван Чунг і дырэктар Мінскага аэрапорта Уладзімір Чаравухін. Фота: OL

Каментары1

  • Андрусь
    20.03.2026
    Чакаем рэйсы ў Нью-Ёрк і Вашынгтон праз расію.

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча7

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Зяць Трампа паведаміў, што Пуцін згодны на гарантыі Украіне паводле прынцыпу пятага артыкула НАТА5

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць66

Сяргей Ціханоўскі абурыўся беларускай мовай Святланы Ціханоўскай91

Пастаўкі беларускага бензіну ў Расію дасягнулі рэкорднага ўзроўню4

«Знайшлі тэлефон, праз 9 дзён — заплечнік». У Германіі больш за месяц шукаюць 38‑гадовага беларуса

У амерыканскім заапарку вядомая на ўвесь свет бегемоціха з'ела вязаную шапку2

У дзень візіту Пуціна Кітай увёў абмежаванні на пастаўкі ў Расію кампанентаў для «Шахедаў»6

Беларускі хлеб збіраюцца захоўваць па паўгода1

Ці можна перамагчы баршчэўнік воцатам і соллю?3

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча7

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць