Мінскае «Дынама» вылецела з Кубка Гагарына, чвэрцьфінал прайгралі ўсухую
15 красавіка ў Казані мінскае хакейнае «Дынама» прайграла мясцоваму «Ак Барсу» з лікам 2:3 і вылецела з розыгрышу Кубка Гагарына на стадыі чвэрцьфіналу. Гэты матч быў чацвёртым у серыі, і ва ўсіх перамагла каманда з Татарстана.
Вынікі першых трох матчаў «Дынама» і «Ак Барса»: 1:2, 4:5 і 0:4.
Перад пачаткам гэтай серыі прэс-служба Лукашэнкі распаўсюдзіла відэа, як ён наведаў трэніроўку «Дынама» і прывёз гульцам «допінг».
«Лукашэнка прывёз хакеістам допінг. Найлепшы беларускі допінг. Сала, хлеб і мёд», — гаварылася ў подпісе да відэа.
Скрыншот з відэа
Учора, 14 красавіка, з'явіліся чуткі пра тое, што галоўны трэнер «Дынама», расіянін Дзмітрый Квартальнаў, звольнены. Але пасля клуб выступіў з абвяржэннем.
Чытайце таксама:
Авечкін: Спадзяюся, што гэта не мой апошні сезон у НХЛ
Праўладная спявачка праспявала на хакейным матчы «Белоруссія» — і атрымала заслужаную тону хейту