19‑гадовы беларускі форвард згуляў у матчы за «Вашынгтон» у адным звяне са сваім старэйшым братам Аляксеем і стаў 19‑м беларусам, што згуляў у наймацнейшай хакейнай лізе свету з 1992 года.
«Вашынгтон Кэпіталз» на выездзе дамогся ўпэўненай перамогі над «Таронта Мэйпл Ліфс» з лікам 4:0, а Ілля і Аляксей адзначыліся галявой перадачай у апошняй шайбе «Вашынгтона».
Assisted by BIG PRO and LITTLE PRO pic.twitter.com/PVRRmppq3n
Ілля правёў на лёдзе 15 хвілін 37 секунд (з іх 2:09 у большасці), набраў 1 (0+1) бал, заблакаваў адзін кідок, атрымаў дзве хвіліны штрафу, выйграў 6 з 14 укідванняў (42,9%) і зарабіў паказчык карыснасці «+1».
Гэты сезон малодшы з братоў Протасаў правёў у Амерыканскай хакейнай лізе, дзе набраў 62 (28+34) балы ў 66 матчах за «Хершы», дзе з'яўляецца і найлепшым і па галах і па балах (гол+пас).
Сярод усіх хакеістаў АХЛ Ілля Протас займае шостае месца па балах, шостае — па колькасці галоў і сёмае — па галах у большасці (10).
Ілля стаў 19‑м беларусам у Нацыяльнай хакейнай лізе з 1992 года. У гэтым сезоне ў НХЛ згулялі васьмёра беларусаў, што з'яўляецца рэкордам.
У яго старэйшага брата Аляксея 51 бал у гэтым сезоне (24+27) у 74 матчах.
«Вашынгтон Кэпіталз» пасля 79 матчаў мае ў актыве 89 балаў і займае 12‑е месца ў турнірнай табліцы Усходняй канферэнцыі, адстаючы ад зоны плэй-оф на тры балы. Наступны матч каманда правядзе на выездзе 11 красавіка супраць «Пітсбурга».
Цяпер чытаюць
Стаў вядомы прысуд экс-памочніку Лукашэнкі Ігару Брыло4
Каментары