Спрасцілі парадак перадачы маёмасці сельгасарганізацыям
Аляксандр Лукашэнка 16 красавіка падпісаў указ №129 «Аб спрашчэнні парадку перадачы маёмасці сельскагаспадарчым арганізацыям» паведамляе БелТА.
Здымак ілюстрацыйны. Фота: «Заря»
Дакументам прадугледжана, што юрыдычныя асобы маюць права даваць у бязвыплатнае карыстанне сельгасарганізацыям рухомую маёмасць без кампенсацыі налічанай амартызацыі, выдаткаў на ўтрыманне, эксплуатацыю, капітальны і бягучы рамонт гэтай маёмасці. Яны таксама могуць спісваць суму рэшткавага кошту маёмасці, якая бязвыплатна перадаецца, і выдаткаў, звязаных з яе перадачай, за кошт дадатковага капіталу і неразмеркаванага прыбытку (некампенсаванай страты).
Згодна з указам прыняцце рашэнняў аб перадачы бязвыплатнай (спонсарскай) дапамогі сельгасарганізацыям магчыма дзяржаўнымі органамі і арганізацыямі — без атрымання адпаведнай згоды, а гаспадарчымі таварыствамі — незалежна ад іх фінансавага выніку ў выпадку аказання такой дапамогі ў выглядзе рухомай маёмасці.
Чытайце таксама:
«Апошні трактар забярэ банк». Як фермер пабудаваў унікальны бізнэс, але праз 30 гадоў усё страціць
У Польшчы катастрофа: не ведаюць, куды падзець бульбу. Цэны ўпалі да смешнага
Для будучай забудовы ў Мінску забяруць каля 5 тысяч гектараў зямлі ў прыгарадах
Сельскую гаспадарку Дубровенскага раёна даручылі ратаваць бізнэсмену Баскіну