У Польшчы катастрофа: не ведаюць, куды падзець бульбу. Цэны ўпалі да смешнага
Лішак бульбы ёсць і ў Германіі.
На польскіх складах ляжыць удвая больш бульбы, чым год таму. Ураджай перавысіў 7 млн тон, і пры гэтым імпарт не спыніўся. У выніку цэны рэзка ўпалі — з 80 грошаў за кг да 20 грошаў (у пераліку на беларускія гэта з 63 да 16 капеек), піша Onet.
На думку фермераў, прычынай гэтай сітуацыі, апроч нечаканага ўраджаю, з'яўляецца таксама канкурэнцыя замежных вытворцаў, паколькі праблема закранае не толькі Польшчу. Паводле ацэнак, лішак бульбы ў ЕС цяпер перавышае 3,3 млн тон. Адначасова падзенне экспарту і насычэнне рынку прывялі да падзення цэн.
На сітуацыю ў Польшчы ўплывае таксама Германія, дзе лішак бульбы таксама значны.
Вытворцы бульбы кажуць, што праблему пагаршае абмежаваная інфраструктура складоў. Адсутнасць магчымасці доўгатэрміновага захоўвання вымушае хутка распрадаваць лішкі, часта па цэнах ніжэй за сабекошт вытворчасці.
Міністэрства сельскай гаспадаркі Польшчы цяпер шукае варыянты, як дапамагчы фермерам, дзе яшчэ можна прымяніць бульбу, а пакупнікоў заклікаюць купляць сваё. У крамах увялі нават новыя катэгорыі бульбы, каб прадаваць больш дробную.
Цяпер чытаюць
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў56
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара1818
Каментары