Для будучай забудовы ў Мінску забяруць каля 5 тысяч гектараў зямлі ў прыгарадах
У Мінску плануюць далейшае развіццё горада за кошт прылеглых тэрыторый. Паводле праекта новага генплана, да 2050 года для забеспячэння жыхароў жыллём (каля 35 квадратных метраў на чалавека) спатрэбіцца прыкладна 4,7 тысячы гектараў зямлі ў Мінскім раёне. Пра гэта расказаў кіраўнік распрацоўкі праекта генплана, галоўны архітэктар УП «Мінскграда» Аляксандр Акенцьеў.
Гэтыя тэрыторыі будуць асвойвацца па мадэлі так званых зялёных кліноў — з захаваннем прыроды і сельскагаспадарчых земляў вакол сталіцы. Для будучай забудовы ўжо зарэзервавалі ўчасткі ў Дзегцяроўцы, Шчомысліцы, Сеніцы, Ельніцы, Калодзішчах і Цне.
Пры гэтым у цэнтры Мінска і ўздоўж галоўных праспектаў плануюць развіваць больш шчыльную забудову. Гэта звязана з тым, што зямля ў цэнтры самая каштоўная, таму яе імкнуцца выкарыстоўваць максімальна эфектыўна — для бізнэсу, турызму і гарадской інфраструктуры.
Частку прыватнай забудовы ў такіх зонах могуць зносіць, калі гэта неабходна для развіцця дарог, камунікацый або іншых аб’ектаў. Аднак масавага зносу, як гэта было раней, ужо не чакаецца — цяпер разглядаюць і варыянты рэканструкцыі з павелічэннем шчыльнасці.
Таксама адзначаецца, што будаўніцтва метро будзе стымуляваць развіццё новых раёнаў і прыцягваць інвестараў, бо істотна павышае кошт зямлі.
У цэлым улады, як заяўляецца, хочуць развіваць Мінск так, каб сумясціць рост горада, эканамічную эфектыўнасць і захаванне навакольнага асяроддзя.
Цяпер чытаюць
А што будзе, калі вярнуцца ў Беларусь? Кажуць жа, што рэпрэсіі заканчваюцца5
А што будзе, калі вярнуцца ў Беларусь? Кажуць жа, што рэпрэсіі заканчваюцца
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра1919
Каментары