Аператыўнікі крымінальнага вышуку затрымалі 32‑гадовага жыхара сталіцы, які дапамагаў тэлефонным ашуканцам выводзіць грошы за мяжу, паведамляе мінская міліцыя.
Мужчына па заданні куратара забіраў буйныя сумы і праз пасрэдніка пераводзіў іх у крыптавалюту. Супрацоўнікам міліцыі мінчанін паведаміў, што нібыта не ведаў пра злачынны характар сваіх дзеянняў. Ён знайшоў неафіцыйную падпрацоўку ў інтэрнэце і думаў, што аказвае паслугі па куплі лічбавай валюты для людзей, якія самі не ўмеюць гэтага рабіць.
Паводле папярэдняй інфармацыі, за некалькі дзён мужчына выканаў не менш за дзевяць заданняў. Жыхары Мінска і раёна ва ўзросце ад 15 да 72 гадоў былі падмануты тэлефоннымі ашуканцамі па схеме «водаканала» і страцілі больш за 85 тыс. даляраў у розных валютах. Гэтыя грошы яны пакідалі ў тайніках-закладках — напрыклад, у смеццевым баку або за гаражамі ў прамысловай зоне.
Адной з ахвяр ашуканцаў стаў вучань восьмага класа. Ён па патрабаванні ілжэправаахоўнікаў забраў з дому бацькоўскія грошы і паехаў у Сеніцу, дзе атрымаў больш за 10 тысяч даляраў ад іншага падманутага аднагодка, пасля чаго паклаў іх у пакет у ўмоўленым месцы і два дні нічога не расказваў бацькам.
Мужчыну затрымалі.
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары