У Мастах сталі зарабляць, беручы грошы за ўключэнне святла на мосце

У Мастах Гродзенскай вобласці з’явілася незвычайная турыстычная паслуга. Там можна самастойна ўключыць падсветку самага доўгага падвеснага моста ў Беларусі, які нядаўна аднавілі і абсталявалі дэкаратыўнай ілюмінацыяй, піша Blizko.by.

Фота ілюстрацыйнае

Звычайна агні на мосце ўключаюцца аўтаматычна пасля заходу сонца і працуюць да 22‑й гадзіны (летам — да 23-й). Але цяпер турыстам прапануюць асаблівы варыянт: можна самім «засвяціць» мост. Для гэтага трэба адсканаваць QR-код на месцы, аплаціць паслугу (20 рублёў), і падсветка ўключыцца прыкладна на 15 хвілін.

Гэта ідэя разлічана перадусім на рамантычныя сустрэчы і прыгожыя фота. Сабраныя сродкі ідуць на абслугоўванне ілюмінацыі.

Каментары да артыкула