Летась у Мінску злавілі больш за 100 тысяч зайцаў
У 2025 годзе кантралёры «Мінсктранса» выявілі 104 858 пасажыраў без квіткоў. Пра гэта паведаміў генеральны дырэктар прадпрыемства Канстанцін Галалобаў.
Здымак ілюстрацыйны. Фота з сацсетак
Па словах кіраўніка «Мінтранса», штодня грамадскім транспартам у Мінску карыстаецца больш за мільён чалавек. Пры гэтым кошт праезду пакрывае нібыта толькі каля траціны рэальных выдаткаў. Сабекошт адной паездкі складае 3 рублі 16 капеек, у той час як талон каштуе 1 рубель 10 капеек, а праезд у метро — 1 рубель 15 капеек.
Нягледзячы на адносна нізкія тарыфы, колькасць так званых «зайцаў» амаль не змяншаецца. Адзначаецца, што ў 2024 годзе кантралёры выявілі прыкладна столькі ж безбілетнікаў.
Таксама паведамляецца, што ў 2026 годзе «Мінтранс» плануе закупіць 179 адзінак новага грамадскага транспарту.
Чытайце таксама:
У Мінску зменяцца некаторыя маршруты грамадскага транспарту 10 мая
Як будзе працаваць грамадскі транспарт у Мінску 9 мая. Будуць маштабныя змены
У Мінску пасля дажджу падтапіла некаторыя вуліцы. Асабліва стыхія сваволіла на захадзе горада
На Ангарскай перарабляюць выезд на МКАД. Вось як хочуць арганізаваць рух