На Ангарскай перарабляюць выезд на МКАД. Вось як хочуць арганізаваць рух
Выехаць будзе прасцей, піша Blizko.by.
У мікрараёне Ангарская-4 у Мінску пачалі рэканструкцыю дарогі, якая злучае вуліцу Ілімскую і МКАД.
Яшчэ ў кастрычніку 2023 года старшыня Мінгарвыканкама Уладзімір Кухараў правёў выязны прыём грамадзян у Заводскім раёне. Жыхарка вуліцы Несцерава звярнулася з просьбай пашырыць праезд, які злучае вуліцу Ілімскую з МКАД. Яна паскардзілася на тое, што ў вечаровы час пік праз вузкасць праезду на ім перыядычна ўзнікаюць заторы. Акрамя таго, яна выказала пажаданні па змене арганізацыі дарожнага руху ў гэтым месцы. Уладзімір Кухараў паведаміў, што праезд плануецца пашырыць: адпаведны праект распрацоўваецца.
І вось зараз дайшло да дарожных работ, паведамляюць на транспартным форуме.
На сайце адміністрацыі Заводскага раёна Мінска ёсць прэзентацыя грамадскага абмеркавання праекта рэканструкцыі гэтай зоны. Там прадстаўлены картаграмы інтэнсіўнасці аўтамабільных патокаў у розны час сутак па напрамках руху.
У прэзентацыі гаворыцца, што быў варыянт захаваць існы нерэгуляваны праезд са стварэннем раздзяляльнай зоны, але яго прызналі немэтазгодным. У выніку спыніліся на кальцавой развязцы з радыусам унутранага астраўка 20 метраў паблізу МКАД. Кальцо большага памеру закранула б аўтастаянку і АЗС.
А ў тым месцы, дзе злучальны праезд прымыкае да вуліцы Ілімскай, зробяць рэгуляванае скрыжаванне; прыпынак грамадскага транспарту аднясуць за скрыжаванне на 65 метраў паўночней.
Хто такая Алеся Пархоменка з Кіпра, якая развязала беларуска-беларускую вайну88
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары